Taldea

NORTZUK GARA?

Non sortu zen ideia?

Ekotalo esperientzia pertsonal eta profesionalen konbinazio baten emaitza da. Ekotalo sortu aurretik, pilotari gisa hainbat ekitaldi eta azokatan parte hartu nuen. Betidanik gustatu izan zait taloa; azoketan gozatu egiten nuen, baita etxean lagunekin ere, errezeta tradizionalak prestatuz. Hala ere, produktu honek aukera handiak zituela ikusi nuen: alde batetik, bere irina hobetu eta bestetik, errezetak zapore eta elikadura-ohitura ezberdinetara egokitzea. Egun batean, ispiluaren aurrean jarri eta neure buruari esan nion: “Julen, zuk egin behar duzu”. Momentu horretatik gaur arte, Ekotalon produktu tradizional hau berritzen lan egiten dugu, dibertsifikatu eta jende gehiagorengana hurbiltzeko.

“Produktu ezin hobea dela uste dugu, eta guztiek gozatu dezaten nahi dugu.”

Zer da Ekotalo?

Gastronomiaz maitemindutako taldea gara, arto ekologikoarekin eta taloarekin lotutako esperientzia berriak eskaintzeko helburua duguna. Teknologia eta sormenari esker, produktu tradizional hau azoketara, ezkontzetara eta orain, baita zure etxera ere eramaten dugu. Guretzat, arto-irina da taloaren arima. Horregatik, lehenik eta behin artoaren aukeraketa eta ekoizpenean lan egiten dugu: haziak biderkatu, erein, bildu eta harri-labean txigortzen dugu, artisau-prozesu bati eutsiz, zapore paregabea bermatuz.

Zergatik txigortu artoa?

Artoaren txigortzea Euskal Herriko hainbat lekutan erabiltzen den teknika tradizionala da. Prozesu honek zaporea indartzen du, kontserbazioa hobetzen du eta testura berezia ematen dio, taloaren esperientzia gastronomikoa aberastuz.

EKOTALO I+G: Taloaren osagaiak

Esperientzia gastronomiko paregabe bat sortzeko, berrikuntzaren aldeko apustua egiten dugu. Talo tradizionalak gure identitatearen parte dira, eta eskaintza nagusien artean jarraitzen dute. Hala ere, Ekotalon zapore eta konbinazio sorta zabaltzea erabaki dugu. 17 errezeta baino gehiago ditugu, zapore klasikoak eta berrikuntza gastronomikoak uztartuz:

• Bakailua piper errearekin eta otarrainskarekin.
• Perretxikoak, urdaiazpikoa eta gazta.
• Beganoa: barazki erreak aguakate saltsarekin eta tipula kurruskariarekin.
• Azpizuna su baxuan egina, kalabazina belar finekin, finlandiar estiloko tipula, Ibarrako piperrak eta zilandroa.
•  Arkume haragia, jogurt saltsa eta kimuak.
•  Sekretua tenperatura baxuan egosia, haragi rouxa, denboraldiko barazkiak eta saltsa berezia.

“Taloa maite dugu eta esperientzia gastronomiko berriak sortzeko grina daukagu.”

Non gaude?

Ezkontzetan, azoketan, enpresa-ekitaldietan eta jai herrikoietan parte hartu dugu, gure proposamena hainbat espaziotara eramanez eta ekitaldi bakoitzera egokituz. Showcooking zerbitzua eskaintzen dugu, zuzenean sukaldatuz eta bezeroei esperientzia gastronomiko bakarra eskainiz. Momentuan egindako taloak, kalitatezko osagaiekin, zerbitzu profesional, gertuko eta arduratsu batekin. Talde gazte eta entusiasta bat gara, eta egia esan… egiten duguna maite dugu!

“Ekotaloak dastatu aurretik ere esperientzia oso bat bizitzeko aukera.”